Türkiyənin Hatay bölgəsinə humanitar yardım göstərilib

Yayın: 01 Eylül 2023 Bugün, DÜNYA, EĞİTİM, EKONOMİ, GÜNDEM, KÜLTÜR SANAT, MAGAZİN, SAĞLIK, SİYASET, SPOR, TEKNOLOJİ

Türkiyənin Hatay bölgəsinə humanitar yardım göstərilib

1 sentyabr, 2023

Türkiyənin Hatay bölgəsinə humanitar yardım göstərilib

Diasporla İş üzrə Dövlət Komitəsinin tabeliyində fəaliyyət göstərən Azərbaycan Diasporuna Dəstək Fondu qardaş Türkiyənin Hatay bölgəsində zəlzələdən zərərçəkənlərə yardım kampaniyası təşkil edib.

“Biz birlikdə güclüyük” devizi altında yeni tədris ilinin başlanması münasibətilə təşkil edilən humanitar yardım kampaniyası Hatay Azərbaycan Evinin müraciəti əsasında baş tutub. Bu addım Azərbaycan Prezidenti İlham Əliyevin tapşırığına uyğun olaraq, Türkiyədə baş vermiş güclü zəlzələnin fəsadlarının aradan qaldırılması, zəlzələdən zərərçəkənlərin, o cümlədən həmin bölgədə yaşayan azərbaycanlıların həyatlarının yüngülləşdirilməsi, ehtiyaclarının ödənilməsi məqsədilə dövlətimizin həyata keçirdiyi uzunmüddətli kampaniyanın tərkib hissəsi olub.

Azərbaycan Gömrük-Sərhəd Buraxılış Məntəqəsindən qardaş ölkəyə yola salınmış humanitar yardıma 3000 məktəbli dəsti daxil edilib.

Hatay bölgəsinin Arsuz rayon məktəbində yardımın təqdim olunma mərasimində Arsuz rayonunun icra hakimiyyətinin başçısı Hasan Gökpinar, Arsuz bələdiyyəsinin sədri Dr.Asaf Güven və Arsuz Milli Təhsil müdiri Əhməd Yanmaz, Diasporla İş üzrə Dövlət Komitəsi sədrinin birinci müavini Valeh Hacıyev, ADDF-in icraçı direktoru Əkrəm Abdullayev, Ədalət və İnkişaf Partiyasının (AKP) İdarə Heyətinin üzvü, Türkiyə Böyük Millət Məclisinin (TBMM) 24, 25 və 26-cı çağırışlarında Hatay üzrə millət vəkili olmuş Bayram Türkoğlu, TBMM-də AKP-in Hatay üzrə millət vəkilıəri Abdulkadir Özel və Kemal Karahan, Hatay Azərbaycan Evinin rəhbəri Başar Kömür və başqaları iştirak ediblər.

Mərasimdə qardaş Azərbaycan dövlətinin bu təşəbbüsünü yüksək qiymətləndirən icra hakimiyyətinin başçısı Hasan Gökpinar humanitar yardıma görə ölkəmizə təşəkkürünü ifadə edib və bildirib ki, Azərbaycan-Türkiyə dostluğu və qardaşlığı əbədidir.

Komitə sədrinin birinci müavini bildirib ki, Azərbaycan dövləti Hatayda yaşayan uşaqları sovqatla sevindirməkdən böyük məmnunluq və xoşbəxtlik duyur: “Bu uşaqlar təkcə Türkiyənin deyil, Azərbaycanın da uşaqları və gələcəyidir”.

Tədbirdə çıxış edən yerli ictimaiyyətin nümayəndələri və qonaqlar “bir millət, iki dövlət”in hər zaman bir-birinin yanında olduğunu məmnuniyyətlə vurğulayıblar. Qeyd edilib ki, mənəvi dəyəri maddi dəyərindən qat-qat yüksək olan hədiyyələrin təqdim olunması həm iki dövlətin vətəndaşlarının bir arada olmasının, həm də zəlzələdən zərər çəkmiş insanların və övladlarının sevincini və kədərini bölüşməsinin sübutudur.

Sonra məktəbli dəstləri I sinfə gedəcək şagirdlərə və valideynlərə təqdim olunub.

Qeyd edək ki, tədbir iştirakçıları, valideynlər və uşaqlar Diaspor TV-nin “Vətən uzaqda deyil” proqramına müsahibələr veriblər. Bu çətin günlərdə Hataydakı uşaqların məktəb qayğısını düşündüyü və övladlarını sevindirdiyi üçün Azərbaycan dövlətinə təşəkkürlərini bildirən valideynlər bildiriblər ki, zəlzələdən sonra bu cür köməyə çox ehtiyac vardı.

Xatırladaq ki, ADDF cari ilin aprel ayında Türkiyə-Azərbaycan Dərnəkləri Federasiyası ilə birlikdə Kahramanmaraşda zəlzələdən zərərçəkmiş 2600-dən çox ailəyə ərzaq yardımı çatdırıb. Yardımı alanların arasında Kahramanmaraşda yaşayan soydaşlarımız da olub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/turkiyenin-hatay-bolgesine-humanitar-yardim-gosterilib-3419

Son Güncelleme: 01 Eylül 2023

Etiketler: Abdulkadir Özel, ADDF, ADDF-in icraçı direktoru Əkrəm Abdullayev, Arsuz bələdiyyəsinin sədri Dr.Asaf Güven, Arsuz Milli Təhsil müdiri Əhməd Yanmaz, Azərbaycan, Azərbaycan Dərnəkləri Federasiyası, Azərbaycan Diasporuna Dəstək Fondu, Azərbaycan Prezidenti İlham Əliyev, Bakı, BAKÜ, Başar Kömür, deprem bölgesi, Diaspor TV, Diasporla İş üzrə Dövlət Komitəsi, Diasporla İş üzrə Dövlət Komitəsi sədrinin birinci müavini Valeh Haciyev, Diasporuna Dəstək Fondu, Ədalət, Gazete Azerbaycan, gazete hatay, Hasan Gökpinar, HATAY, Hatay Azərbaycan Evi, Hatay bölgəsinə, humanitar yardım göstərilib, Kemal Karahan, Türkiye, Türkiyə, Türkiyə Azərbaycan Dərnəkləri Federasiyası, Türkiyənin, Türkiyənin Hatay bölgəsinə humanitar yardım göstərilib, Valeh Haciyev, YARDIM

Vladimir Vasiliev: SVO katılımcıları için konaklama yerleri, engelli gazilerin ihtiyaçları dikkate alınarak donatılmalıdır

Vladimir Ustinov: Birleşik Rusya, vatandaşların ihtiyaçlarının farkındadır ve bunları sürekli olarak federal yetkililere iletmektedir

Denis Puşilin: Havaalanı restorasyonu, gazilere destek ve yurt yenilemeleri, Birleşik Rusya’nın yeni Halk Programı’na dahil edilebilir

Marat Khusnullin, Rostov-on-Don’da düzenlenen ikinci bölge raporlama ve program forumu “Sonuç Var!” katılımcılarının Birleşik Rusya Halk Programı’na yönelik girişimlerini destekledi

Konut ve toplumsal hizmetlerin kalitesinin iyileştirilmesi, inşaat sektörünün geliştirilmesi ve kamu iyileştirme programlarının genişletilmesi: Birleşik Rusya, umut vadeden girişimlerle yeni Halk Programı’nın konut bileşenini güçlendirecektir

Birleşik Rusya, öğrencilerin Temel Devlet Sınavı (OGE) ve Birleşik Devlet Sınavı (USE) için hazırlık döneminde aileleri desteklemek amacıyla bir dizi eğitim girişimi başlattı